VOV4.K’ho - Drim òr (07/7), jăt jơ lơgar Mỹ, hơ\ là mang ngai 07/7 jăt jơ lơgar Việt Nam, tàm anih pơrjum Bầu dục, hìu lơh broă kuang atbồ lơgar Mỹ tàm càr lơgar Washington neh bơyai lơh dơ\ cri bơyai bơh ồng Nguyễn Phú Trọng, kuang atbồ đơng lam Đảng dà lơgar mờ ồng Barack Obama, kuang atbồ lơgar Mỹ.

Ồng Nguyễn Phú Trọng, kuang atbồ đơng lam Đảng dà lơgar attê mờ ồng Barack Obama, kuang atbồ lơgar Mỹ

            2 gah neh cri bơyai mờ ring bal bè ală gùng dà, broă lơh dờng kờ` tơnguh bơtàu broă lơh bal, lơh niam mờ geh uă tai broă lơh bal đềt mềr tơl ală bơta tàm tơngai tus. Tàm hơ\ geh đơs uă tus mờ broă tơnguh tam gơl, tìp dờng, pờ ơnàng ală kơrnoăt pơlam bơh 2 lơgar bè ală broă geh sền gròi bal; chồl pràn broă lơh sa, khoa học, bơto bơtê mờ bơsram, lơh sơnơm mờ tiah kis; chồl pràn broă lơh bal bè sền gàr dà lơgar; sền gàr bơta lơngăp lơngai; tơnguh broă tìp bal làng bol, lơh broă dong kờl mờ tơmù ală hoàc huơr rài tam lơh; pơn jăt tai lơh broă bal uă rơlao, mùl màl rơlao tàm ală broă lơh mờ pơrjum geh uă gah kờ` pơgồp bal kuơ màng tus mờ bơta lơngăp lơngai, niam ờ do ờ dă, ring lơngai mờ tơnguh bơtàu kơl jăp tàm dunia.

Ồng Nguyễn Phú Trọng, kuang atbồ đơng lam Đảng dà lơgar cri bơyai mờ ồng Barack Obama, kuang atbồ lơgar Mỹ

             Cri bơyai bè ờ uă broă tàm tiah do mờ dunia geh sền gròi bal, 2 nă kuang bàng đơng lam neh ring bal là tơnguh bơta lơngăp lơngai, ring niam, ờ do ờ dă mờ khăt gơboh gùng lòt dà lềng mờ gùng par tàm dà lềng đah măt tơngai l^k là bơta kuơ mờ kơnòl bal bơh mpồl bơtiàn tàm tiah do mờ dunia dê, kờ` bal mờ kơrnoăt bơsong tam phà bơh tàm ală broă lơh lơngăp lơngai tàm tơngui me g^t bal mờ adăt boh lam dunia.

Cau mblàng Ndong Brawl