VOV4.K’ho – Drim òr, 18/4, tàm hìu lơh broă Đảng dà lơgar, lơh broă sùm mpồl đơng lam dà lơgar bè rơcang sơndră sa kuề sa kùa bơyai lơh pơrjum tềng đap bơta đơng lam bồ bơh ồng Nguyễn Phú Trọng kuang atbồ đơng lam Đảng dà lơgar, kuang atbồ mpồl đơng lam dà lơgar bè rơcang sơndră sa kuề sa kùa.

            Đơs tàm dơ\ pơrjum, ồng Nguyễn Phú Trọng jờng rơ mpồl dong broă dà lơgar – anih lơh broă sùm bơh mpồl đơng lam dê neh rơcang tơl làm ală sră nggal drơng dơ\ pơrjum lơh broă sùm mpồl đơng lam dê. Ồng Nguyễn Phú Trọng sồr ală anih lơh broă geh gơnoar tơr gùm tă bơsong kal ke, kòl yan, chồl pràn tơngai lùp sền, lah yă, lơh glài krà`, di mờ kơrnuat boh lam ờ uă broă lơh tìs kơn jơ\, kal ke, geh mpồl bơtìan sền gròi. Gơrềng tus broă lơh glài ờ uă broă lơh tìs di mpồl đơng lam sền gròi, jat ồng Nguyễn Phú Trọng pal sac rơwah, đal git ờ uă broă lơh tìs, broă gơlik geh mùl màl nàng tơrgùm bơsong, geh tơngume tờm, kuơ màng. Ồng Nguyễn Phú Trọng kung đơs là, bal mờ broă lơh glài đah dà lơgar, broă lơh glài đah Đảng kung pal geh sền gròi dipal rlau, mờr tus pal lơh krà` rlau bè lơh glài Đảng, den tàng, anih duh broă sền sơwì dà lơgar pal mhar bơt bơtàu kơrnuat bè bơta do.

                                    Cau cih mờ yal tơngit K’ Duẩn.