VOV4.K’ho - Pơnjat tai dơ\ lơh broă tàm càr Quảng Trị, drim òr 05/02, ồng Nguyễn Phú Trọng kuang atbồ đơng lam Đảng dà lơgar lơh broă mờ mpồl đơng lam Đảng càr Quảng Trị bè bơta mut lơh kơ nòl lơh sa mpồl bơtiàn mờ broă rơcang pơrjum Đảng ală kơnă. Lòt bal mờ ồng Nguyễn Phú Trọng geh kuang đơng lam bồ uă gah, mpồl lơh broă dà lơgar. Ồng Nguyễn Phú Trọng sồr mpồl Đảng càr Quảng Trị tàm nam 2015 mờ ală nam tơ nơ\ tai pal tơr gùm tàm kơ nòl bơtàu tơnguh lơh sa, mpồl bơtiàn, lơh ngan mut lơh geh uă ngan rlau jơh ală khà mờ pơrjum dơ\ 15 mpồl Đảng càr Quảng Trị neh ai tơlik, tơr gùm bơ song krà` cê ală broă lơh ờ hềt niam. Quảng Trị pal sơ lơ tơnguh hời rơ hời khà lơh sa mờ ma\y mok tàm rơndap broă lơh sa, bơtàu tơnguh lơh sa suơn sre, brê bơ nơm tơl làm jat rơndap broă tơnguh cồng nha lơh geh, tơnguh bơta niam, mut ngui công nghệ, sền gròi tus anih tơlik tac mờ lơh sa mờ mai\ mok lơh gơlik phan, ngui bơta pràn nhơl chờ, bơt bơtàu bồt Cồn Cỏ gơ jat bal mờ bơtàu tơnguh lơh sa dà lềng. Mpồl Đảng càr Quảng Trị pal rơcang mut lơh niam pơrjum Đảng ală kơnă gơ jat mờ broă pơnjat tai bơt bơtàu, bơtàu tơnguh Đảng niam rlau jat kơrnuat dà lơgar 4, kơnă 11.