VOV4.K’ho - Ngai òr 16/03, tàm Hà Nội, ồng Nguyễn Phú Trọng kuang atbồ đơng lam Đảng dà lơgar, Kuang atbồ Mpồl đơng lam Dà lơgar bè rcăng sơndră sa kuề sa kùa lơh broă mờ Mpồl lùp sền Gơnuar atbồ lơgar bè broă mu\t lơh kơ nòl broă bơh sơn rờp tơngai lơh broă Pơrjum dờng dơ\ 11 tus tu\ do; gùng dà broă lơh mờ kơ nòl broă nam 2015 mờ tơngai lơh broă tus. Tus bal mờ lơh broă geh ồng Nguyễn Xuân Phúc kuang jăt jơng gơs gơnăp gơnuar atbồ hơđăng rlao jơh dà lơgar, kuang đơng lam bồ ală Mpồl lơh broă, Gah sơnah lơh broă bơh Dà lơgar dê, ală anih lơh broă bơh Gơnuar ala mat dà lơgar dê. Đơs tàm dơ\ lơh broă, ồng Nguyễn Phú Trọng jờng rơ mờ đơs niam ngan ală cồng nha broă lơh bơh Mpồl lùp sền Gơnuar atbồ lơgar dê tàm tơngai lài. Ồng Nguyễn Phú Trọng sồr gah lơh broă do gi\t wa\ wil tơl, jrô ơnàng bơta gơlik geh nàng mu\t lơh niam kơ nòl broă, lơh ngan tơnguh jơnhoa gơnuar broă bơh mpồl lùp sền dê, mu\t lơh gơnuar broă nàng ngan ngồn là mpồl dong broă geh kuơ ngan bơh Đảng mờ Dà lơgar dê, nàng lơh ngan rcăng sơndră sa kuề sa kùa, mờ jơnau ờ niam. Ồng Nguyễn Phú Trọng đơs tờm, broă tơnguh jơnhoa bơta niam nùs nhơm bơh mpồl ală cau lơh broă lùp sền dê pal sàng kloh, song dơ pă, geh ơnà, khin sơr lèt gan mờ bơta kal ke, khin phi să tài bơta kuơ bơh Đảng mờ dà lơgar dê.