VOV4.K’ho – Ngai òr 18/09, pơn jat tai dơ\ lòt còp ngan ngồn lơgar Nhờk, ồng Nguyễn Phú Trọng kuang atbồ đơng lam Đảng dà lơgar mờ Mpồl kuang bàng ala mat dờng màng lơgar Việt Nam lòt còp càr Kanagawa. Ồng Nguyễn Phú Trọng ưn ngài bơta wa\ rò jơh nùs mờ niam ngan bơh ồng Kuroiwa Yuji kuang atbồ càr mờ làng bol Kanagawa dê lời ai ồng Nguyễn Phú Trọng mờ Mpồl kuang bàng ala mat dờng màng lơgar Việt Nam in. Ồng Nguyễn Phú Trọng đơs niam ngan bơta jơh nùs bơh ồng Yuji dê jơh nùs chồl guh bơta tam klac bal đah càr Kanagawa mờ ală càr, [òn dờng bơh Việt Nam dê, tàm hơ\ geh broă rơndăp lơh bơyai lơh Ală ngai Việt Nam tàm Kanagawa geh lơh tàm tơngai ồng Nguyễn Phú Trọng lòt còp lơgar Nhờk. Ồng Nguyễn Phú Trọng đơs là, ală broă lơh tìp mat lơh quèng bè do geh pơgồp bơnah geh kuơ ngan sơlơ tơnguh tai bơta gi\t wa\ bal mờ gơ\p đah ală càr, [òn dờng mờ làng bol bơh 2 lơgar dê. Ồng Nguyễn Phú Trọng kơ\p kờn ồng Yuji mờ càr Kanagawa mờ bơta pràn mờ bơta jak bơh he dê pơn jat tai tam klac bal mờ Việt Nam mu\t lơh geh cồng nha jơnau hơ bal mờ kuang bàng đơng lam bồ bơh 2 lơgar dê neh lơh geh; sồr càr Kanagawa tam klac bal bơtàu tơnguh lơh sa mờ măy mok dong kờl ala, bơto ngui măy mok jak chài pa tàm gah lơh broă sa sươn sre nàng dong Việt Nam tơnguh jơnhoa khà priă ală khà priă phan lơh geh bơh sươn sre- phan sa, bơto bơtê cau lơh broă măy mok  jak chài pa tàm gah lơh broă sa sươn sre mờ dờp cau tus bơsram ngui măy mok lơgar Việt Nam dê tus lơh broă tàm càr Kanagawa.

Cau cih mờ yal tơngi\t- Lơ Mu K’ Yến