VOV4.K’ho - Ngai òr 11/02, ồng Nguyễn Phú Trọng kuang atbồ đơng lam Đảng dà lơgar mờ ồng Tập Cận Bình kuang atbồ đơng lam Đảng, mơlà kuang atbồ lơgar Lo neh geh dơ\ cribơyai tàm điện thoại di tu\ làng bol lơgar Việt Nam mờ lơgar Lo rơcang wă rò sa tềp bơhìan yau Ất Mùi 2015, tàm nam tơngkah 65 nam ngai crơng gơs git gơp lơh broă bal đah 2 lơgar. Ồng Nguyễn Phú Trọng đơs là, 2 gah pal sơ lơ tơnguh rlau git git wă mờ pin dờn bal mờ gơp, bơtàu tơnguh lơh bơ yô bal, chồl pràn tam klac geh kuơ bal tàm ală gah broă lơh, sền gàr ngap lơngai, kơ\ kơljap, cribơyai bal song dơpă nàng bơ song dipal ală bơta tàm dà lềng đah mattơngai lik jat nùs nhơm ală jơnau ringbal neh lơh geh mờ dipal mờ adat boh lam mờ kơrnuat dunia, lam bơta git gơp Việt Nam mờ Lo ngai sơ lơ bơtàu tơnguh pràn kơldăng, kơ\ kơljap. Tàm dơ\ cribơyai tàm điện thoại, 2 nă kuang neh cribơyai bè jơnau đơs bè ală rơndap broă, tơngume kuơ màng là pơnjat tai bơtàu tơnguh git gơp lơh bơ yô mờ tam klac bal đah 2 lơgar tàm tơngai tus, kuơ màng là sơ lơ tìp mat cribơyai dờng màng, lơh ngan mut lơh ală rơndap lơh, broă lơh neh ringbal, chồl pràn tam klac bal đah 2 Đảng, ală gah broă lơh, ală kơnă mờ tìp mat bal đah làng bol, ngan là rơnàng kơnòm să 2 lơgar, chul chồl mờ tơnguh jơnhua cồng nha ală kơrnuat tam klac bal 2 lơgar.