VOV4.K’ho - Ngai òr 04/02, ồng Nguyễn Phú Trọng kuang atbồ đơng lam Đảng dà lơgar neh tus còp mờ lơh broă tàm càr Quảng Trị nàng sền bè bơta mut lơh jat ală kơrnuat bơh Đảng dê, bơtàu tơnguh lơh sa mpồl bơtìan, bơt bơtàu Đảng mờ broă rơcang pơrjum Đảng ală kơnă. Tus còp ntum Vĩnh Thủy, kơnhòal Vĩnh Linh, ồng Nguyễn Phú Trọng jờng rơ mờ đơs  niam ală cồng nha mờ ntum Vĩnh Thụy mờ kơnhòal Vĩnh Linh lơh geh, pơn rơ ngan là muh mat bòn lơgar gam tam gơl, rài kis làng bol dê gam ngai sơ lơ gơguh jak, broă lơh sa bơtàu tơnguh. Ồng Nguyễn Phú Trọng kơp kờ` ntum mờ kơn hòal pơnjat tai brồ guh  pràn kơldăng bơhìan khin cha jak chài tàm broă lơh tam gơl pa tu\ do. Ồng Nguyễn Phú Trọng sồr mpồl Đảng kơnhòal Vĩnh Linh mờ ntum Vĩnh Thụy pal pơnjat tai brồ guh bơhìan yau, sền gròi bơt bơtàu, bơtàu tơnguh Đảng kloh niam, pràn kơldăng, tơnguh jơnhua pràn jak đơng lam bồ, krà` cê tam dră mờ ală tềl ờ niam bè nùs nhơm.