VOV4.K’ho -  Mho òr (27/4), tàm Hìu lơh broa\ Đảng dà lơgar, ồng Nguyễn Phú Trọng kuang atbồ đơng lam Đảng dà lơgar neh wa\ ồng Bành Thanh Hoa kuang atbồ đơng lam Đảng tiah atbồ is kòn cau Choang Quảng Tây, lơgar Lo gam còp mờ lơh broa\ tàm Việt Nam.

Ồng Nguyễn Phú Trọng neh jờng ngan tus mờ ồng Bành Thanh Hoa tus còp Việt Nam, sền niam ala\ cồng nha  mờ bơta bơtàu tơngguh pràn mùl màl tàm git gơp bơh 2 lơgar, tam klac tơl làm bơh Quảng Tây mờ ala\ tiah bơh lơgar Việt Nam dê tàm tơngai lài. Ồng Nguyễn Phú Trọng đơs tờm, Đảng, Dà lơgar mờ làng bol Việt Nam sùm sền kuơ Quảng Tây tàm git gơp mờ lơgar Việt Nam – lơgar Lo, geh đơs Quảng Tây mờ ala\ tiah  bơh lơgar Việt Nam tàm tơngai tus kờ` pal geh lơh ua\ ngan rlau tai mut lơh geh cồng nha ala\ jơnau git wa\ bal bơh atbồ dờng màng 2 Đảng, 2 lơgar, lơh pràn mờ  bơtàu tơngguh rlau tai cồng nha tam klac tàm ala\ gah broa\ lơh, pơ gồp ngan ngồn tàm bơta git gơp lơh broa\ bal Việt Nam-Lo sùm  bơtàu tơngguh  niam bơne\.

            Cau cih mờ yal tơnggit K’ Brọp