VOV4.K’ho - Mho òr (6/5), tàm Hìu lơh broa\ Đảng dà lơgar, ồng Nguyễn Phú Trọng kuang atbồ đơng lam Đảng dà lơgar neh wa\ ồng Sheikh Jaber Mubarak Al-Hamad Al-Sabad kuang gơs gơnap gơnoar atbồ hơđang rlau jơh dà lơgar Kuwait gam còp lơgar he.

            Tàm bùi wa\,  ồng Nguyễn Phú Trọng neh gờm chờ ala\ cồng nha dờng màng  bè lơh sa, bơta niam  ngap lơngai  gùng dra\ bal bơh lơgar Kuwait tàm tơngai lài. Ồng Nguyễn Phú Trọng neh yal mờ kuang gơs gơnap gơnoar atbồ hơđang rlau jơh lơgar Kuwait cồng nha Pơrjum gùt lơgar dơ\ XII bơh Đảng Cộng sản Việt Nam mờ broa\ mut lơh ala\ gùng dà broa\ lơh dờng tàm  lơgar mờ lơgar cau kờ` bơtàu tơngguh dà lơgar, ưn ngài mờ geh đơs niam bơta kờ` bal, dong kờl kuơ màng,  geh cồng nha mờ  Dà lơgar mờ làng bol lơgar Kuwait lời tus lơgar Việt Nam in tàm dơ\ bơt bơtàu mờ bơtàu tơngguh dà lơgar, gờm chờ tài git gơp bơh 2 lơgar sùm bơtàu tơngguh geh lơh niam mờ bơtàu tơngguh tàm 40 nam do, ngan la tàm gah gùng dra\ bal- lơh broa\ mờ lơgar cau, bơcri, ka\ bro. Ồng Nguyễn Phú Trọng  geh jơnau đơs, tàm tơngai tus, 2 lơgar kờ` chul chồl pràn rlau tai bơta git gơp tam klac bal tàm ala\ gah broa\ lơh mờ 2 gah geh bơta pràn nàng broa\ tam klac lơh broa\ bal geh gơmut dờng màng, cèng wơl cồng nha ngan ngồn tus tơl gah in, tài bơta kuơ bal bơh làng bol 2 lơgar, geh ta\ pơgồp tàm ngap lơngai mờ bơtàu tơngguh mờ ala\ lơgar rềp bal mờ tàm dunia.

                   Cau cih mờ  yal tơnggit K’ Brọp