VOV4.K’ho -  Mho òr 18/03, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar, neh wă  ồng Chung Ui Hwa kuang atbồ gơnuar ala mat dà lơgar Hàn Quốc gam ơm còp ngan ngồn lơgar Việt Nam. Tàm dơ\ wă, ồng Nguyễn Phú Trọng đơs tờm, Việt Nam mờ Hàn Quốc neh gơs là lơgar lơh broă bal kuơ màng, là ală bơ yô rềp mềr, nting săp gờm chờ lơgar Hàn Quốc neh gơs là lơgar bơcri priă dờng ngan rlau jơh tàm lơgar Việt Nam mơkung la lơgar lơh broă bal dờng màng ngan bè kă bro mờ tam klac ODA lơgar Việt Nam dê, đơs niam broă 2 lơgar neh ngan ngồn yal bơr tơn jơh cribơyai jơnau pơrgon kă bro khat gơ boh Việt Nam mờ Hàn Quốc tàm `hai 12 nam 2014, ai geh bơta buơn nàng tơnguh broă kă bro 2 lơgar, wèt tus jơnau kờ` geh 70 tơmàn dolar tàm nam 2020. Ồng Nguyễn Phú Trọng đơs niam mờ đơs tờm, geh ai tơl bơta niam nàng ală mpồl lơh sa kă bro Hàn Quốc bơcri tàm lơgar Việt Nam, đơs tờm  tai bơta kuơ màng bơh git gơp tam klac bal đah gơnuar ala mat dà lơgar 2 lơgar, tàm broă tam pà mờng chài crơng gơs adat boh lam mờ sền gròi broă lơh jat ală jơnau ringbal đah 2 lơgar.