VOV4.K’ho – Mho òr 31/08, tàm Hìu duh broă Đảng Dà lơgar, ồng Nguyễn Phú Trọng kuang atbồ đơng lam Đảng dà lơgar neh wa\ rò ồng Nicolas Maduro Moros kuang atbồ lơgar Venezuela gam còp ngan ngồn lơgar Việt Nam. Ồng Nguyễn Phú Trọng sồr tàm tơngai tus, 2 lơgar sơlơ tơnguh rlau tai bơta gi\t gơ\p tam klac bal, lơh bơyô bal mờ lơh broă bal niam bơne\ đah bàr Đảng, bàr dà lơgar mờ làng bol bàr lơgar bơh ai ală mpồl kuang bàng ală kơnă lòt còp bal mờ gơ\p, tàm yal tơngi\t bal, tam pà bal mờng chài cribơyai, tơnguh jơnhoa rlau tai bơta lơh geh cồng nha bơh ală broă lơh bal, kuơmàng là tàm ală broă lơh geh bơta pràn bè nhơm zờu, năng lượng bơh lơgar Venezuela dê mờ phan lơh geh bơh sươn sre, brê bơnơm mờ phan tàm dà bơh lơgar Việt Nam dê. Ồng Nguyễn Phú Trọng tơlik nùs nhơm pin dờn tơnơ\ dơ\ lòt còp lơgar Việt Nam dơ\ do bơh ồng Nicolas Maduro Moros dê, bơta gi\t gơ\p lơh bơyô bal, lơh broă bal tàm uă gah đah 2 dà lơgar Việt Nam mờ Venezuela geh bơta bơtàu tơnguh pa, geh cồng nha mờ ngan ngồn rlau, tài bơta kuơ bơh làng bol 2 lơgar, tài bơta ring lơngai, kơ\ kơl jăp, tam klac lơh broă bal mờ bơtàu tơnguh tàm tiah do mờ tàm dunia.

                                                     Cau mblàng Lơ Mu K’ Yến