VOV4.K’ho – Di 8 jiơ drim (jat jiơ tiah do dê, hơ\ là 7 jiơ mang jat jiơ Việt Nam), ngai òr 6/7, ồng Nguyễn Phú Trọng kuang atbồ đơng lam Đảng dà lơgar mờ mpồl kuang bàng ala mat dờng màng lơgar Việt Nam neh tus blàng rơndeh par ling klàng Andrews, tàm càr lơgar Washington, sơnđờm dơ\ lòt còp ngan ngồn lơgar Mỹ. Wa\ rò ồng Nguyễn Phú Trọng mờ mpồl kuang bàng ala mat dờng màng lơgar Việt Nam tàm blàng rơndeh par ling klàng Andrews geh kuang bàng ala mat Gơnoar atbồ lơgar Mỹ; ồng Phạm Quang Vinh kuang atbồ Anih lơh broă ala mat lơgar Việt Nam mờ ală kuang bàng, cau lơh broă tàm Anih lơh broă ala mat lơgar Việt Nam tàm lơgar Mỹ mờ gal ngan làng bol cau Việt Nam tàm lơgar Mỹ; ală kuang atbồ anih ala mat, kuang bàng ala mat ală lơgar Asean tàm lơgar Mỹ.

Kuang bàng dờng màng lơgar Mỹ wa\ rò ồng Nguyễn Phú Trọng kuang atbồ đơng lam Đảng dà lơgar Việt Nam

Kuang atbồ Anih lơh broă ala mat lơgar Mỹ tàm Việt Nam wa\ rò ồng Nguyễn Phú Trọng kuang atbồ đơng lam Đảng dà lơgar Việt Nam

Làng bol Việt Nam tàm lơgar Mỹ wa\ rò ồng Nguyễn Phú Trọng kuang atbồ đơng lam Đảng dà lơgar Việt Nam

Do là dơ\ sơnrờp Kuang atbồ đơng lam Đảng Cộng sản dà lơgar Việt Nam còp ngan ngồn lơgar Mỹ. Dơ\ lòt còp geh lơh tơnơ\ 40 nam tơn jơh tam lơh, tơngklàs jơh gùt tiah đah jum, tơrgùm dùl dà lơgar, 20 nam crơng gơs bơta gi\t gơ\p lơh broă bal đah Việt Nam mờ Mỹ mờ 2 nam crơng gơs bơta gi\t gơ\p cau lơh broă bal tơl làm đah 2 lơgar. Dơ\ lòt còp kờ` chul chồl bơta gi\t gơ\p tam klac lơh broă bal đah 2 gah bơtàu tơnguh niam, kơ\ kơl jăp tàm tơngai tus, lơh jrô ơnàng tai bơta gi\t gơ\p cau lơh broă bal tơl làm đah Việt Nam mờ Mỹ. Bàr gah kung geh cribơyai, tàm yal tơngi\t bal bè bơta kơlôi sơnơng gùng dà broă lơh bè bàr pe bơta dunia mờ tàm tiah do mờ 2 lơgar ndrờm sền gròi bal.

                       Cau mblàng Lơ Mu K’ Yến