VOV4.K’ho - Ngai òr (8/12), ồng Nguyễn Phú Trọng kuang atbồ đơng lam Đảng dà lơgar neh bal mờ ala\ kuang bàng Gơnoar ala mat dà lơgar mpồl te\ khà sồ 1, [òn dờng Hà Nội neh tam tìp mờ cau te\ khà tàm ala\ kơnhoàl Ba Đình, Hoàn Kiếm, yal cồng nha bơh dơ\ pơrjum dơ\ 10.

            Gal ngan cau te\ khà chờ hờp bè ala\ cồng nha niam bơne\ bơh dơ\ pơrjum dơ\ 10 mờ ua\ ngan tơnggu me kuơ màng neh geh cri bơyai mờ geh kơrnuat. Ua\ cau te\ khà geh ai go\ gơ lời niam ngan bè dơ\ lùp mờ ho jơnau lùp tơl khà niam, mùl màl la sền gròi jơnhua ngan. Cau te\ khà kung sền gròi ngan tus broa\ lơh rcang tus pơrjum Đảng gùt lơgar dơ\ XII mờ pồ  kuang  ala mat dà lơgar, kuang Mpồl duh broa\ ala mat làng bol ala\ kơna\, tàm hơ\ geh broa\ rwah cau tàm mpồl cau kuang di pal ngan tàm mpồl đơng lam atbồ bơh Đảng mờ ala\  gah lơh broa\ làng bol pồ. Cau te\ khà kơp kờ` gơnoar ala mat dà lơgar sền gròi nền nòn ngan broa\ mut lơh jơnau ho bơh kuang geh jơng tàm mpồl gơnoar ala mat dà lơgar, ala\ kuang atbồ gah broa\ lơh kung bè broa\ lơh lam sồr,  đơng lam bơh Gơnoar atbồ lơgar. Đơs tàm bùi tam tìp, ồng Nguyễn Phú Trọng neh ưn ngài, dờp ala\ jơnau đơs jơh nùs nhơm, song dơpa\, bơt bơtàu bơh cau te\ khà geh gơ rềng tus ala\ bơta dờng bơh dà lơgar mờ càr lơgar Hà Nội. Tơr`a mờ cau te\ khà bè bơta rcang dơ\ pơrjum Đảng gùt lơgar dơ\ 12 mờ bơyai lơh te\ khà Gơnoar ala mat dà lơgar, mpồl duh broa\ ala mat làng bol ala\ kơna\, ồng Nguyễn Phú Trọng neh đơs loh ngan tu\ do broa\ lơh rcang gam geh bơyai lơh sir jơh, ngan ngồn.

                             Cau cih mờ yal tơnggit K’ Brọp