VOV4.K’ho – Mho òr, 15/9, ồng Shinzo Abe kuang gơs gơnap gơnoar atbồ hơđang rlau jơh dà lơgar Nhờk neh đơng lam dơ\ wă rò mờ tìp mat cribơyai mờ ồng Nguyễn Phú Trọng kuang atbồ đơng lam Đảng dà lơgar he dê. Ồng Shinzo Abe jơh nùs gờm chờ ồng Nguyễn Phú Trọng tus còp ngan ngồn lơgar Nhờk; đơs là dơ\ tus còp lơgar Nhờk dơ\ do bơh ồng Nguyễn Phú Trọng dê geh ai geh bơta niam pa, pơgồp bơnah chul chồl git gơp lơh broă bal Việt Nam - Nhờk bơtàu tơnguh ngai sơlơ tơl làm mờ niam rlau. Ồng Nguyễn Phú Trọng mờ ồng Shinzo Abe neh cribơyai mờ ringbal bè ală rơndap broă kung bè ală broă lơh kờ` chul chồl tơl làm mờ lơh niam rlau tai git gơp lơh broă bal kuơ màng Việt Nam - Nhờk tàm tơngai tus, mờ ală tơngume kuơ màng là sơlơ tơnguh pin dờn gùng dră bal, chul chồl tam klac lơh sa mờ chồl pràn tam klac tàm ală bơta tàm kơnhòal mờ dunia. Ồng Nguyễn Phú Trọng sồr lơgar Nhờk pơnjat tai ai priă bơcri ODA lơgar Việt Nam in, dong kờl lài Việt Nam in tàm broă mut lơh jơnau bơceh tam klac bal phan bơna geh bơta niam uă bơh lơgar Nhờk dê ai châu Á in, pơnjat tai dong kờl lơh niam anih bơcri priă lơgar Việt Nam dê, sơlơ tam jàu công nghệ pa, chul chồl ală mpồl lơh sa kă bro lơgar Nhờk bơcri priă tàm lơgar Việt Nam tàm ală gah lơh sa suơn sre, lơh sa mờ mai\ mok dong kờl, cơ khí lơh gơlik phan..

                                                                                       Cau cih mờ yal tơnggit  K’ Duẩn.