VOV4.K’ho - Pơnjat tai dơ\ tus còp ngan ngồn lơgar Nhờk, drim òr (16/09), ồng Nguyễn Phú Trọng kuang atbồ đơng lam Đảng dà lơgar he neh tus tìp mờ ồng Akihito bơtau lơgar Nhờk, wa\ atbồ mpồl mut lơh ka\ bro mờ lơgar cau lơgar Nhờk mờ mpồl lơh broa\ mờ lơgar cau làng bol lơgar Nhờk. Tàm dơ\ tìp mờ bơtau lơgar Nhờk,  ồng Nguyễn Phú Trọng mờ ồng Akihito  geh đơs bơta chờ hờp ngan tềng bơta bơtàu tơngguh mhar, mùl màl mờ niam bơne\ git gơp bơh Việt Nam-Nhờk tàm ala\ nam do,  ring bal kờ` pơnjat tai chồl guh ala\ cồng nha neh lơh geh nàng chul chồl tơl làm mờ nền nòn rlau tai tàm bơta git gơp lơh broa\ bal kuơ màng Việt Nam-Nhờk tài ngap lơngai mờ pas gơs tàm châu Á.

            Lài hơ\,  drim òr,  ồng Nguyễn Phú Trọng kung neh wa\ ồng Ishighe Hiroyuki kuang atbồ mpồl mut lơh ka\ bro mờ lơgar cau lơgar Nhờk JETRO. Ồng Nguyễn Phú Trọng neh đơs niam  JETRO tàm tơngai lài neh geh bơnga\ kuơ màng ngan tàm broa\ chul chồl tam klac mờ bơcri bơh 2 lơgar. Ồng kơp kờ` JETRO dong kờl mpồl lơh sa ka\ bro lơgar Nhờk bơcri tàm gah lơh broa\ sa, mờ ala\ gah lơh sa mờ ma\y mok geh dong lài tàm lơgar Việt Nam, tàm hơ\ geh broa\ bơtàu tơngguh bơta kuơ phan lơh geh-phan sa, lơh geh bơta nàng phan lơh sa geh,  phan tàm dà lơgar Việt Nam geh ka\ bro tàm lơgar Nhờk di bè jơnau yal ring bal bơh atbồ dờng màng bơh 2 lơgar.

                                      Cau cih mờ yal tơnggit K’ Brọp.