VOV4.K’ho - Rơcang pơrjum dơ\ 9 mòr mu\t bơyai lơh, mho òr (08/5), tàm Hà Nội, ồng Nguyễn Phú Trọng, kuang atbồ đơng lam Đảng dà lơgar, là kuang bàng tàm Gơnoar ala măt dà lơgar kơnă 13 bal mờ ală kuang bàng tàm mpồl kuang bàng Gơnoar ala măt dà lơgar [òn dờng Hà Nội neh tìp mờ cau te\ khà kờ` iăt mờ tơrgùm jơnau đơs, jơnau dan bơh cau te\ khà pơyoa tus pơrjum. Đơs mờ cau te\ khà tàm kơnhoàl Hoàn Kiếm, ala măt mpồl kuang bàng tàm Gơnoar ala măt dà lơgar [òn dờng Hà Nội, ồng Nguyễn Phú Trọng neh dờp mờ đơs niam ală jơnau đơs jơh nùs, geh kơnòl bơh cau te\ khà neh đơs di tàm ală broă dờng dà lơgar, broă sền gròi gơnoar ala măt dà lơgar bal mờ ală tơngu me pơrjum dơ\ 9 tus do. Ồng Nguyễn Phú Trọng đơs loh broă bơyai lơh gơnoar atbồ tàm ală tiah pal tơl niam kơrnoăt Đảng đơng lam, Dà lơgar sền gàr, làng bol lơh tòm; tàm tiah lơi geh gơnoar atbồ tàm tiah hơ\ pal geh làng bol sền gròi. Ồng Nguyễn Phú Trọng kơ\p kờ` là khà niam ală dơ\ tìp mờ cau te\ khà geh tơnguh mờ uă jơnau đơs pơgồp bal geh bơh bơta mùl màl tàm rài kis kờ` ală tơngu me broă lơh Gơnoar ala măt dà lơgar đềt mềr mờ làng bol, mùl màl mờ làng bol. Lơh geh bè hơ\, hơ\ sồng Gơnoar ala măt dà lơgar mùl màl là cau ala măt jơnau đơs, jơnau kơ\p kờ` làng bol dê.

                                                                       Cau mblàng Ndong Brawl