VOV4.K’ho – Mho òr, 24/8, tàm Anih tờm pơrjum dà lơgar Mỹ Đình, [òn dờng Hà Nội, Gah lơh broă kơrnuat boh lam dà lơgar bơyai lơh tơngkah 70 nam ngai bơhiàn gah do dê ( 28/8) mờ dờp gai lòng Ngap lơngai is khà 1. Ồng Nguyễn Phú Trọng kuang atbồ đơng lam Đảng dà lơgar jơh nùs nting sap gờm chờ, jờng rơ ală tă pơgồp dờng màng bơh Gah lơh broă kơrnuat boh lam dà lơgar Việt Nam tàm 70 nam do. Ồng Nguyễn Phú Trọng kung đơs loh ală bơta ờ niam, ờ pràn mờ Gah lơh broă kơrnuat boh lam pal di tu\ ai geh mờng chài mờ geh broă lơh jơh nùs bơsong. Bè rơndap broă lơh, kơnòl broă tàm tơngai tus, ồng Nguyễn Phú Trọng đơs tờm: ròt adat boh lam pal gàr niam dà lơgar lơh broă niam, ờ mìng dờp geh, bơtàu tơnguh ală bơta kuơ neh geh đơs tờm bơh rài gơguh jak kòn bơnus dunia dê, mờ gam pal di mờ ală bơta kuơ niam bơne\ bơh bơhìan yau dà lơgar Việt Nam dê, dipal mờ jơnau kờ` bơh rài atbồ dà lơgar he dê tàm tơngai bơtàu tơnguh pa.

                                                                                                          Cau mblàng K' Duẩn.