VOV4.K’ho - Mo tơn tơnơ\ dơ\ cri bơyai mờ ồng Barack Obama kuang atbồ lơgar tàm cơldu\ Bầu dục,  gơlang kuang atbồ lơgar, gùl ngai 7/7 jat jiơ Mỹ hơ\ la rìng àng drim 8/7 jat jiơ Việt Nam, ồng Nguyễn Phú Trọng kuang atbồ đơng lam Đảng dà lơgar neh tus dơ\ yờ sa dờng màng ngan bơh gơnoar atbồ lơgar Mỹ, bơh ồng Joe Biden kuang jat jơng atbồ lơgar Mỹ đơng lam. Ồng Nguyễn Phú Trọng neh ưn ngài bơta geh wa\ đềt mềr dờng màng nền nòn bơh gơnoar atbồ lơgar Mỹ neh lời tus sa\ tờm ồng mờ mpồl kuang bàng  dờng màng lơgar Việt Nam. Ồng Nguyễn Phú Trọng đơs, dơ\ tus còp ngan ngồn lơgar Mỹ dơ\  sơnrờp do bơh ồng dê la cồng nha nền nòn bơh bơta bơtàu tơngguh bơh 2 lơgar niam mờ mhar ngan bơh bơta git gơp Việt Nam-Mỹ. Ồng Nguyễn Phú Trọng đơs 2 lơgar neh lơh geh ala\ broa\ lơh jo\ jòng tàm 20 nam git gơp bè ờs wơl mờ ngai do gam gơ ơm tềng bơta geh tu\ pa kờ` chul chồl git gơp lơh broa\ bal tơl làm bơtàu tơngguh dờng màng, mut lơh geh cồng nha mờ mùl màl rlau.

                                      Cau mblàng K’ Brọp.