VOV4.K’ho – Drim òr 01/11, Pơrjum dờng cau ala mat Mpồl Đảng [òn dờng Hà Nội dơ\ XVI, tơngai lơh broă bơh nam 2015- 2020 mu\t pơrjum dờng ngan tàm Hà Nội. Ồng Nguyễn Phú Trọng kuang atbồ đơng lam Đảng dà lơgar tus bal mờ đơng lam Pơrjum.

Tus bal Pơrjum do geh 495 nă kuang bàng, ala mat tus rlau 390 rbô nă cau geh đảng bơh Mpồl Đảng [òn dờng Hà Nội dê in. Đơs mờ đơng lam Pơrjum, ồng Nguyễn Phú Trọng sồr Mpồl Đảng [òn dờng Hà Nội tàm tơngai lơh broă pa bơh nam 2015- 2020 kờn pal lơh niam rlau tai nùs nhơm nhhăp nhhar, bơceh pa, pơn jat tai tam gơl pa bồ tơngoh bơta kơlôi sơnơng, broă đơng lam, atbồ, pal lơh geh cồng nha geh kuơ ngan; bơ\t bơtàu mờ bơtàu tơnguh Hà Nội dipal mờ gơnoar broă mờ bơngă Càr lơgar, là pràn chồl bơtàu tơnguh bơh tiah ring dà dờng Hồng dê, tiah lơh sa dờng kuơmàng tàm tiah đah tô dà lơgar mờ bơh gùt lơgar dê. Ồng Nguyễn Phú Trọng kung đơs uă ngan bè broă bơ\t bơtàu cau Hà Nội, sền gàr bơhiàn chài rơgơ\t bơ\t bơtàu bơtàu tơnguh bơh càr lơgar dê. Jat Jơnau yal gùng dră bal tàm dơ\ pơrjum, tơngai lơh broă bơh nam 2015- 2020, Mpồl Đảng Hà Nội geh 5 kơnòl broă tờm, 3 broă lơh bơtàu tơnguh mhar mờ 16 broă nàng mu\t lơh jơnau kờn bơ\t bơtàu Càr lơgar pas sơm niam bơne\, jak chài bơtàu tơnguh mờ pa ngan. Mho òr 01/11, tơnơ\ bơnah cribơyai tàm hìu pơrjum, Pơrjum dờng do neh pồ Mpồl duh broă Mpồl Đảng [òn dờng Hà Nội kơnă XVI, tơngai lơh broă bơh nam 2015- 2020. Mpồl duh broă kơnă pa geh Pơrjum dờng pồ geh 74 nă kuang bàng tàm sră cih mat 85 nă. Tơnơ\ tu\ geh cồng nha te\ khà tơn, Mpồl duh broă kơnă pa bơyai lơh Pơrjum dơ\ dùl nàng pồ Mpồl lơh broă sùm, ală kuang jat jơng atbồ đơng lam Đảng [òn dờng, anih duh broă sền sơ wì [òn dờng, Kuang atbồ anih duh broă sền sơ wì [òn dờng. Pơrjum dờng cau ala mat Mpồl Đảng [òn dờng Hà Nội dơ\ 16 geh lơh tus ngai hìng 03/11/2015.

Cau cih mờ yal tơngi\t- Lơ Mu K’ Yến