VOV4.K’ho- Di tơngkah 86 nam Ngai bơhiàn Gah tề lam gùng dră bal dà lơgar Việt Nam (18/11), drim òr 13/11, ồng Nguyễn Phú Trọng, Kuang atbồ đơng lam Đảng dà lơgar neh tus mờ chờ hờp bal mờ Ngai chờ Tam klac dờng gùt jơi bơtiàn tàm [òn Phật Tích, ntum Phật Tích, kơnhoàl Tiên Du, càr Bắc Ninh. Ồng Nguyễn Phú Trọng yal wơl bơta dờng màng bơh Bác Hồ mờ Đảng he dê tu\ gờn crơng gơs Hội Phản đế đồng minh (gah tề lam gùng dră bal bơh sơn rờp bơh Đảng Cộng sản Việt Nam Đông Dương crơng gơs nam 1930), mìng tơnơ\ 9 nhai tơnơ\ tu\ crơng gơs Đảng. Do là mpồl đơng lam bơh sơn rờp bơh Gah tề lam jơi bơtiàn tơrgùm dùl dà lơgar Việt Nam tus Gah tề lam gùng dră bal dà lơgar Việt Nam tu\ do nàng tam klac bal, bơtòm tơrgùm jơh cau Việt Nam, jơh ală rơnàng làng bol tam lơh bal tài jơnau kờn bal ai geh bơta lơngăp lơngai, khat gơboh is ai Dà lơgar in, bơ\t bơtàu mờ sền gàr dà lơgar.

Ồng Nguyễn Phú Trọng, Kuang atbồ đơng lam Đảng dà lơgar đơs mờ làng bol [òn Phật Tích tàm Ngai bơyai lơh Ngai chờ tam klac dờng ală jơi bơtiàn.

Ồng Nguyễn Phú Trọng, đơs:“Broă crơng gơs Gah tề lam là dùl jơnau kờn ngan ngồn bơh kăc mạng dê, là àng sơndah, là bơceh pa bơh Đảng he dê. Tàm dunia ờ huan geh uă tiah geh gah tề lam bè bol he ờ. Den tàng Bác Hồ hơ\ sồng đơs là “Gùng dà broă lơh gah tề lam là gùng dà broă lơh kuơmàng ngan. Broă lơh Gah tề lam là broă lơh kuơmàng ngan bơh kăc màng dê. Tam klac, tam klac, tam klac dờng. Cồng nha, cồng nha, cồng nha dờng. Tam klac là tam klac tàm Đảng, tam klac jơh gùt làng bol mờ tam klac dờng là tam klac dunia…”. Den tàng nàng kờn đơs bol he bơyai lơh geh gah tề lam mờ geh ală broă lơh bơh gah tề lam dê là kờn ngan mờ geh kuơ ngan”.

Ồng Nguyễn Phú Trọng, Kuang atbồ đơng lam Đảng dà lơgar pà bơkàu ai ală ồng mò dờng sơnam [òn Phật Tích tus bal Ngai chờ tam klac dờng gùt jơi bơtiàn

Cau cih mờ yal tơngi\t- Lơ Mu K’ Yến