VOV4.K’ho – Ngai òr 27/5, tàm Hà Nội, Mpồl lam sồr làng bol Dà lơgar bơyai lơh Pơrjum mu\t lơh Broă lơh broă lơh jat Kơrnoat Pơrjum dờng Đảng gùt lơgar dơ\ XII mờ ală Kơrnoat sồr, jơnau đơs pơndu\t bơh Gah gùng dră bal dà lơgar, Mpồl đơng lam Đảng dà lơgar bè broă lơh lam sồr làng bol. Tus mờ đơs tàm dơ\ pơrjum, ồng Nguyễn Phú Trọng kuang atbồ đơng lam Đảng dà lơgar đơs tờm ală cồng nha bal bơh dà lơgar dê lơh geh tàm tơngai lài, geh bơta tă pơgồp kuơmàng bơh broă lơh lam sồr làng bol mờ mpồl ală cau lơh broă lam sồr làng bol dê, pơgồp bơnah brồ guh geh bơta pràn bơh mpồl tam klac dờng jơh gùt làng bol, lơh geh bơta pin dờn bơh làng bol dê gơ wèt tus mờ Đảng. Ồng Nguyễn Phú Trọng đơs tờm: Tu\ do, bơta geh bơta kuơ lơh nền nàng sơlơ tơnguh tai bơta gơrềng đah Đảng mờ làng bol là Đảng pal sền gròi dong kờl wil tơl mờ jrô ơnàng tus rài kis, bơta kuơ bơh làng bol dê; dilah ờ sền gròi dong kờl dùl bă loh làng, geh kuơ ngan ngồn rài kis phan bơna mờ nùs nhơm bơh làng bol dê, den bulah geh đơs uă tus nđờ bè gùng dà broă lơh làng bol, bè gơnoar lơh tờm bơh làng bol dê den kung ndrờm là ờ geh kuơ sơl mờ ờ geh bơta pràn lơh cau in dờn. Ồng Nguyễn Phú Trọng kơ\p kờn là, ală cau să tờm lơh broă lam sồr làng bol, rlau mờ cau lơi jơh, kờn pal gi\t wa\ jrô ơnàng mờ ală bơta pal yal nàng lơh niam kơnòl broă dờng màng bơh he dê.

Cau cih mờ yal tơngi\t- Lơ Mu K’ Yến