VOV4.K’ho - Tàm dơ\ tus còp mờ lơh broa\ ngan ngồn tàm lơgar Mỹ, ngai òr (07/07), ồng Nguyễn Phú Trọng kuang atbồ đơng lam Đảng dà lơgar he  bal mờ Mpồl kuang bàng neh tus còp mờ pơ dơng bơkàu tềng Hìu kah kơ lôi tus mờ bồc ồng Thomas Jefferson kuang atbồ lơgar lài do. Do la kuang atbồ lơgar dơ\ 3 bơh lơgar Mỹ, tơngai lơh broa\ bơh 1801-1809, la cau lam lơh bơta tam jàu gơnoar ngap lơngai bơh 2 đảng Dân chủ mờ Cộng hoà, sền gròi jơnau ring  blơi tiah Lousiana bơh lơgar Tây nam 1803, lơh ngan sền gàr ngap lơngai mờ ờ lời Mỹ gơmut tàm dơ\ tam lơh bơh Anh mờ Tây.

Kung bal dùl ngai, ồng Nguyễn Phú Trọng mờ mpồl kuang bàng dờng màng  Việt Nam neh tus bal mờ sền go\ ngan dơ\ bơyai lơh jàu rơndeh par Boeing 787-9 Dreamliner bơh mpồl lơh sa dờng Boeing bơh Mỹ mờ Vietnam Airlines, geh bơyai lơh tàm blàng rơndeh par Ronald Reagan. Ồng Nguyễn Phú Trọng neh gờm chờ  jơnau geh pơrya kuơ màng do tàm broa\ lơh pờ ơnàng mờ tam gơl pa gah rơndeh par, ai Vietnam Airlines gơs la gah rơndeh par sơnrờp tàm Châu Á-Thái Bình Dương dờp geh mờ ngui 2 bơta rơndeh par pa ngan rlau jơh la Boeing 787-9 Dreamliner mờ Airbus A350-900 XWB.

                                                          Cau mblàng K’ Brọp.