Drim òr nao 05/01, tàm hìu lơh broă Đảng dà lơgar tàm càr lơgar Hà Nội, pơrjum dơ\ 11 mpồl đơng lam Đảng dà lơgar kơnă 11 neh geh mut lơh yu\ rơ yùm ngan. Ồng Nguyễn Phú Trọng kuang atbồ đơng lam Đảng dà lơgar neh đơng lam mờ geh jơnau đơs kuơ màng mut pơrjum. Ồng Nguyễn Phú Trọng đơs loh, pơrjum dơ\ do geh pơrya kuơ màng ngan tus mờ broă đơng lam bồ, đơng lam lơh jơh niam ală kơnòl nam 2015 dê kung bè jơh tơngai lơh broă mờ bơyai lơh geh cồng nha pơrjum mpồl Đảng ală kơnă, wèt tus pơrjum dờng gùt lơgar dơ\ 12 Đảng dê. Ồng Nguyễn Phú Trọng đơs tờm, nam 2015 là nam lồi dut bơh tơngai lơh broă pơrjum dờng Đảng dơ\ 11- dùl nam geh gơ rềng tus broă gùt Đảng, gùt làng bol, gùt ling klàng he lơh ngan lơh jơh ală khà ai, ală kơ nòl pơrjum dơ\ 11 neh ai tơlik. Ồng sồr ală kuang bàng duh broă Đảng dà lơgar mờ ală kuang bàng tus bal pơrjum, brồ guh uă bồ tơ ngoh kơ lôi sơnơng, nùs nhơm geh kơnòl tềng đăp Đảng, tềng đăp làng bol mờ dà lơgar, tơr gùm kơ lôi sơ nơng, cribơyai nền nòn, ai jơnau đơs nàng pơnjat tai lơh sir ală rơndap cih jơnau yal, rơndap broă mờ sền sơ wì, tơlik kơrnuat ală bơta kuơ màng ndai tàm broă lơh dơ\ pơrjum dê.