VOV4.K’ho - Mho òr (18/9), tàm càr Kanagawa, ồng Nguyễn Phú Trọng, kuang atbồ đơng lam Đảng dà lơgar neh tus bal mờ geh jơnau đơs tàm pơrjum lơh broă bal tàm broă bơcri priă, kă bro, lơh broă bơh lơgar Việt Nam mờ lơgar Nhờk. Ồng Nguyễn Phú Trọng neh pơn jờng mờ đơs là, pơrjum lơh bal bơcri priă, kă bro mờ lơh broă bơh lơgar Việt Nam mờ lơgar Nhờk tàm càr Kanagawa là cơng tàng niam mờ pà go\ bơta pràn broă lơh bal dờng màng bal mờ nùs nhơm kơ\p kờ` đềt mềr rơlao tai tàm broă lơh bal bơh lơgar Việt Nam mờ lơgar Nhờk. Ồng Nguyễn Phú Trọng kơ\p kờ` là, broă lơh pa tơnguh bơtàu, ală jơnau ring bal mờ broă lơh bal bơh 2 lơgar gam pờ ală dơ\ niam tus mờ mpồl bơtiàn anih lơh sa kă bro bơh 2 lơgar chồl pràn ală broă bơcri priă, kă bro mờ lơh broă, mờ kơ\p kờ` ală tiah bal mờ anih lơh sa kă bro bơh 2 lơgar geh lam lài tàm broă lơh jăt ală jơnau ring bal bơh kuang bàng đơng lam 2 lơgar, pơgồp bal niam tàm broă ai broă lơh bal bơh 2 lơgar gơguh dờng pa. Tơn jơh dơ\ tus còp càr Kanagawa, mho òr (18/9), jăt jơ lơgar Nhờk, ồng Nguyễn Phú Trọng bal mờ ala măt mpồl kuang bàng dờng màng lơgar Việt Nam neh tơn jơh niam bơne\ dơ\ tus còp mùl màl lơgar Nhờk jăt jơnau jà bơh ồng Shinzo Abe, kuang gơs gơnăp gơnoar atbồ hờ đang rơlao jơh lơgar Nhờk dê.

        Cau cih mờ yal tơng^t Ndong Brawl