VOV4.K’ho – Ngai òr, 16/9, tàm Tokyo, lơgar Nhờk, ồng Nguyễn Phú Trọng kuang atbồ đơng lam Đảng dà lơgar wă ồng Sadakazu Tanigaki kuang atbồ Đảng làng bol lơh tờm khat gơboh. Ồng Sadakazu Tanigaki đơs tờm, tàm gơnoar broă Đảng at gơnoar, Đảng làng bol lơh tờm khat gơboh lơgar Nhờk geh pơgồp bal mờ Đảng cộng sản Việt Nam tă pơgồp bal, lam git gơp lơh broă bal jrô ơnàng Nhờk mờ Việt Nam ngai sơlơ bơtàu tơnguh, ngan ngồn mờ bơtàu tơnguh kơ\ kơljap. Ồng Nguyễn Phú Trọng ràng tơlik bơta kơp kờ` sơlơ tơnguh rlau tai git gơp đah 2 Đảng tàm tơngai tus, jat broă chul chồl cribơyai ală mpồl lơh broă, tìp mat sùm tàm ală kơnă, sơlơ cribơyai jơnau đơs, tam pà mờng chài mờ jơnau yal tơngit, rề ơnàng rlau tai cribơyai tam klac pơgồp bal kơlôi sơnơng đah ală anih lơh broă, mpồl bal bơh 2 Đảng mờ sơlơ tam klac tàm ală bơta tàm kơnhòal mờ dunia. Di tu\ do, 2 gah neh sền bal dơ\ ki\ Sră cih kah bè sơlơ tam klac đah Đảng cộng sản Việt Nam mờ Đảng làng bol lơh tờm khat gơboh lơgar Nhờk. Kung tàm ngai òr, ồng Nguyễn Phú Trọng neh wă ồng Natsuo Yamaguchi kuang atbồ Đảng Komei lơgar Nhờk.

                                                                                               Cau cih mờ yal tơngit K' Duẩn.