VOV4.K’ho – Mho òr, 20/6, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar wă mpồl kuang bàng ling klàng dờng màng lơgar Lào bơh ồng Chăn-xa-mỏn Chăn-nha-lạt, kuang geh jơng gah gùng dră bal dà lơgar, kuang atbồ gah sền gàr dà lơgar Lào lam bồ gam còp ngan ngồn lơgar Việt Nam.

Ồng Chăn-xa-mỏn Chăn-nha-lạt neh yal mờ ồng Nguyễn Phú Trọng bè ală bơta tàm lơgar Lào pa do; cồng nha tam klac bal đah gah sền gàr dà lơgar 2 lơgar tàm tơngai lài mờ cồng nha dơ\ tìp mat cribơyai mờ ồng Ngô Xuân Lịch kuang atbồ gah sền gàr dà lơgar he; đơs tờm tàm khat dùl bơta lơi, gah sền gàr dà lơgar Lào kung geh pơgồp bal krà` cê mờ Gah sền gàr dà lơgar Việt Nam lơh jơh niam kơnòl mờ 2 Đảng, 2 dà lơgar mờ làng bol 2 lơgar jàu. Ồng Nguyễn Phú Trọng sồr gah sền gàr dà lơgar 2 lơgar pơnjat tai bơtàu tơnguh bơhìan he dê; mut lơh geh cồng nha ală kơnòl gùng dră bal geh jàu; pơgồp bal krà` cê rơndap broă tam klac bal đah gah sền gàr dà lơgar 2 lơgar kờ` gàr kơ\ ngap lơngai gùng dră bal, ờ do ờ dă mpồl bơtiàn tàm tơl lơgar; pơgồp bal bơt bơtàu gùng nhàr lơgar Việt Nam mờ Lào ngap lơngai, kơ\ kơljap tam klac mờ bơtàu tơnguh sùm.