VOV4.K’ho – Mho òr 20/03, tàm Hìu duh broă Đảng Dà lơgar dê, ồng Nguyễn Phú Trọng kuang atbồ đơng lam Đảng dà lơgar neh wa\ ồng Claude Bartolone kuang atbồ Gơnoar ala mat dà lơgar Tây gam còp ngan ngồn lơgar Việt Nam.

Tàm dơ\ wa\, ồng Nguyễn Phú Trọng đơs niam ngan bơta kuơ màng bơh dơ\ lòt còp Việt Nam dơ\ sơn rờp bơh ồng Claude Bartolone kuang atbồ Gơnoar ala mat dà lơgar Tây dê. Ồng Nguyễn Phú Trọng đơs là, dơ\ lòt còp do lơh geh tềl kah kuơmàng, chul chồl gi\t gơ\p lơh broă bal đah Việt Nam mờ Tây bơtàu tơnguh pràn kơldang, dipal là Cau lơh broă bal jo\ jòng đah 2 lơgar. Ồng Nguyễn Phú Trọng sồr Gơnoar ala mat dà lơgar Tây pơn jat tai dong kờl mờ lơh geh tơl ală bơta niam nàng bơta gi\t gơ\p đah 2 lơgar geh lơh sùm mờ brồ guh bơh broă sơlơ ai ală mpồl kuang bàng dờng màng lòt còp bal mờ gơ\p mờ tìp mat lơh quèng bal đah làng bol 2 lơgar, lơh pràn tam klac lơh broă bal tàm gah kă bro- bơcri priă, bơto bơtê, jak chài- măy mok mờ tam dră wơl mờ tam gơl trồ tiah…dùl bă ngan ngồn mờ geh cồng nha. Di tàm dơ\ do, ồng Nguyễn Phú Trọng cih dờp jơnau đơs jơh nùs bơh kuang bàng gùng dră bal mờ làng bol lơgar Tây dê gơ wèt tus mờ broă tàm tiah do, kờn bal nùs nhơm mờ gùng dà broă lơh bơh Việt Nam dê bơsong ring lơngai, jat tàm adat boh lam dunia ală bơta tam pìt tam phà tàm Dà lềng đah mat tơngai lik kung bè tàm dunia.

Cau cih mờ yal tơngi\t- Lơ Mu K’ Yến