VOV4.K’ho - Mho òr (6/11), tàm hìu lơh broa\ Đảng dà lơgar, ồng Nguyễn Phú Trọng kuang atbồ đơng lam Đảng dà lơgar neh wa\ ồng Sergio Mattarella kuang atbồ lơgar Italia gam geh dơ\ tus còp khà dà lơgar tàm Việt Nam.

Ồng Nguyễn Phú Trọng neh jờng mờ đơs niam dơ\ tus còp mờ lơh broa\ bơh ồng Sergio Mattarela, sền do la cơnđòa bơtàu tơngguh pa tàm git  gơp niam bơne\  bơh 2 lơgar, geh ai go\ nền nòn bơh git gơp lơh broa\ bal kuơ màng bơh Việt Nam mờ Italia. Ồng Nguyễn Phú Trọng đơs tờm tàm broa\ lơh mờ lơgar cau he dê, Việt Nam sùm sền kuơ màng git gơp mờ ala\ lơgar gơp bơyô bơhìan, tàm hơ\ geh lơgar Italia, kơp kờ` tơngguh broa\ lơh git gơp rlau tai bơh 2 Đảng cộng Sản Việt Nam mờ ala\ đảng tờm tàm lơgar Italia, lơh bơrnàng ja\ bơtàu tơngguh git gơp tàm tơl ala\ gah broa\.   

                   Cau cih mờ yal tơnggit K’ Brọp