VOV4.K’ho – Mho òr, 16/9, tàm Tokyo, lơgar Nhờk, ồng Nguyễn Phú Trọng kuang atbồ đơng lam Đảng dà lơgar wă kuang đơng lam bồ 4 Mpồl lơh sa dờng mờ mpồl lơh sa kă bro dờng bơh lơgar Nhờk dê là Sumitomo, Mitsubishi, Taisei mờ lơh sa mờ mai\ mok kơn jơ\ Mitsubishi Omiya Hideaki tus lùp còp. Do là ală Mpồl lơh sa dờng mờ Mpồl lơh sa kă bro neh mờ gam geh ală rơndap broă bơcri priă, lơh broă mờ kă bro tàm Việt Nam. Đơs mờ kuang đơng lam bồ Mpồl lơh sa dờng, ồng Nguyễn Phú Trọng đơs niam ală Mpồl lơh sa dờng lơgar Nhờk neh bơcri priă tàm lơgar Việt Nam tàm ală nam do, pơgồp bơnah tàm broă bơtàu tơnguh lơh sa Việt Nam. Ồng Nguyễn Phú Trọng sồr ală Mpồl lơh sa dờng pơnjat tai chồl pràn tam klac mờ Việt Nam tàm gah lơh sa mờ mai\ mok – là gah broă lơh geh bơcri lài ngan bơh Việt Nam dê, tam klac pơgồp bal tam jàu công nghệ tàm ală gah công nghệ pa; bơt bơtàu phan bơna, năng lượng. Ồng Nguyễn Phú Trọng đơs tờm Dà lơgar Việt Nam pơnjat tai tam gơl anih bơcri priă, ai geh [uơn [ùai nàng đah lơgar Nhờk kă bro kơ\ kơljap, jo\ jòng. Bơh hơ\, pơgồp bơnah pơnjat tai lơh niam rlau tai git gơp lơh broă bal Việt Nam mờ Nhờk, tam klac bal 2 rài lơh sa.

                                                                   Cau cih mờ yal tơngit K' Duẩn