VOV4.K’ho – Mho mang òr, 29/7, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar wă ồng David Cameron kuang gơs gơnap gơnoar atbồ hơđang rlau jơh lơgar Anh gam ơm còp Việt Nam. Tàm dơ\ wă, ồng Nguyễn Phú Trọng ràng tơlik bơta chờ hờp tìp wơl ồng David Cameron, đơs là, dơ\ tus còp lơgar Việt Nam sơn rờp bơh kuang gơs gơnap gơnoar atbồ hơđang rlau jơh lơgar Anh là dùl tềl kuơ màng tàm bơta git gơp 2 lơgar kờp bơh tu\ 2 lơgar crơng gơs git gơp lơh broă bal pơgap mờ do 42 nam. Ồng Nguyễn Phú Trọng đơs niam bơta bơtàu tơnguh nhap nhar bơh git gơp Việt Nam mờ Anh tàm tơngai do, ngan là bơh tu\ 2 lơgar crơng gơs git gơp lơh broă bal kuơ màng nhai 9 nam 2010; ràng tơlik bơta kơp kờ` dơ\ tus còp Việt Nam dơ\ do bơh kuang gơs gơnap gơnoar atbồ hơđang rlau jơh lơgar Anh geh pơgồp bơnah sơlơ tơnguh git gơp bal mờ gơp, pơnjat tai chồl pràn tam klac tàm ală gah bơh git gơp lơh broă bal kuơ màng, tàm hơ\ geh git gơp đah Đảng Cộng sản Việt Nam mờ ală Đảng lơgar Anh dê, ală broă lơh kă bro – bơcri priă, tam klac bè bơto bơtê mờ bơsram. Đơs niam ală cồng nha kuơ màng Việt Nam neh lơh geh tàm broă tam gơl pa, bơt bơtàu, bơtàu tơnguh dà lơgar mờ mut gơ rờm bal dunia, kuang gơs gơnap gơnoar atbồ hơđang rlau jơh lơgar Anh ràng tơlik bơta pin dờn git gơp 2 lơgar geh pơnjat tai bơtàu tơnguh pràn kơldang rlau tàm tơngai tus, tài bơta kuơ bơh tơl lơgar, tài ngap lơngai, kơ\ kơljap mờ tam klac tàm kơnhòal mờ dunia.

                                                                                                  Cau mblàng K' Duẩn.