VOV4.K’ho – Mho òr (24/9), tàm Hìu lơh broă Đảng dà lơgar dê, ồng Nguyễn Phú Trọng kuang atbồ đơng lam Đảng dà lơgar wa\ mpồl kuang ala mat Mpồl lơh broă mờ lơgar ndai Dà lơgar Đảng làng bol kăc màng Lào bơh mò Sunthone Sayachath kuang atbồ Mpồl lơh broă mờ lơgar ndai Dà lơgar Đảng làng bol kăc màng Lào lơh kuang atbồ Mpồl lòt còp, lơh broă tàm Việt Nam. Ồng Nguyễn Phú Trọng đơs niam ngan cồng nha Dơ\ cribơyai kung bè cồng nha tam klac bal đah bàr Mpồl lơh broă mờ lơgar ndai Đảng dà lơgar dê; jờng rơ ală tă pơgồp jơh nùs bơh 2 mpồl lơh broă do dê tàm broă lơh kơ\ kơl jăp mờ sơlơ tơnguh tai bơta g^t gơ\p tam klac bal dờng màng đah Việt Nam mờ Lào; kơ\p kờn là bàr mpồl lơh broă do pơn jat tai pơgồp bal niam jơh bal tàm ală bơta 2 gah mờ tàm ală dơ\ cribơyai uă gah, sơlơ tàm yal tơng^t bal jơnau, mờng chài, tam klac bal, dong kờl bal nàng mu\t lơh jai pha gùng dà broă lơh mờ lơgar ndai bơh tơl Đảng dê; sơlơ lơh tai broă sền sơ wì, bơto pơlam chul chồl mu\t lơh geh cồng nha ală Jơnau hơ bal đah kuang bàng dờng màng bơh bàr Đảng mờ bàr lơgar dê.

                                Cau cih mờ yal tơng^t- Lơ Mu K’ Yến