VOV4.K’ho – Bơh ngai 4 tus ngai 6/6/2016, mpồl kuang bàng dờng màng Đảng Lao động Triều Tiên bơh ồng Chuê Thê Bốc, kuang geh jơng gah gùng dră bal dà lơgar, kuang jat jơng atbồ mpồl đơng lam Đảng Lao động Triều Tiên lam bồ neh tus còp lơgar Việt Nam nàng yal cồng nha pơrjum cau ala mat gùt lơgar dơ\ 12 bơh Đảng Lao động Triều Tiên dê mờ nting sap gờm chờ cồng nha pơrjum cau ala mat gùt lơgar dơ\ 12 bơh Đảng he dê. Drim òr, 06/6, mpồl neh tus lùp còp ồng Nguyễn Phú Trọng tàm hìu lơh broă Đảng dà lơgar. Tàm dơ\ wă, ồng Nguyễn Phú Trọng nting sap gờm chờ Đảng Lao động Triều Tiên bơyai lơh geh cồng nha pơrjum dơ\ 12. Ồng Nguyễn Phú Trọng pà git: Việt Nam geh pơnjat tai chồl pràn broă lơh tam gơl pa, kơ\ nùs jat gùng dà broă lơh mờ lơgar ndai geh nùs nhơm is, lơh tờm is, ngap lơngai, tam klac mờ bơtàu tơnguh, uă gah, uă bơta git gơp, rơcang lài mờ nhap nhar mut gơrờm bal dunia, sền gàr mờ bơtàu tơnguh git gơp ờs mờng mờ Triều Tiên; đơs tờm nùs nhơm ờ tam gơl bơh Việt Nam dê sền gàr ngap lơngai, kơ\ kơljap mờ ờ geh hạt nhân tàm bồt Triều Tiên tài bơta kuơ bơh làng bol Triều Tiên, bơh kơnhoàl mờ dunia dê.

                         Cau cih mờ yal tơngit K’ Duẩn.