VOV4.K’ho – Mho òr 01-6, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar neh wă mpồl kuang bàng Gah sền gàr dà lơgar Mỹ bơh ồng Ashton Carter kuang atbồ Gah sền gàr dà lơgar Mỹ lam bồ gam ơm còp lơgar Việt Nam. Ồng Nguyễn Phú Trọng đơs tờm gùng dà broă lơh ờ tam gơl bơh Đảng mờ dà lơgar Việt Nam dê, sền dờng màng chul chồl git gơp Việt Nam mờ Mỹ, tài bơta kuơ jo\ jòng bơh làng bol 2 lơgar dê, tài ngap lơngai, kơ\ kơljap mờ bơtàu tơnguh tàm kơnhòal mờ dunia. Ồng Nguyễn Phú Trọng cih dờp bơta tam klac bơh Gơnoar atbồ, Gơnoar ala mat dà lơgar mờ uă mpồl bal, cau dùl nă să lơgar Mỹ đơs bal tàm broă tus bal bơsong jơnau gơ lời wơl bơh rài tam lơh; mơkung jờngrơ bơta tam klac bal bơh Gah sền gàr dà lơgar Mỹ mờ Gah sền gàr dà lơgar Việt Nam, tàm hơ\ geh broă rồ jòi [ồm mền, lơh kloh tiah ơm kis, dong kờl cau mờ jòi ling roh thit. Ồng Nguyễn Phú Trọng đơs tờm bơta kuơ màng đah lơgar Mỹ pal lơh ngan rlau tai tàm gah do kờ` sơlơ bơtàu tơnguh bơta pin dờn mờ git wă bal mờ gơp, lơh geh bơnàng jă tus mờ bơta bơtàu tơnguh bơh git gơp 2 lơgar, tàm hơ\ geh gah sền gàr dà lơgar.

                                                                                   Cau mblàng K’ Duẩn.