VOV4.K’ho - Mho òr (12/7), tàm hìu lơh broă Đảng dà lơgar, ồng Nguyễn Phú Trọng, kuang atbồ đơng lam Đảng dà lơgar neh wă mờ cri bơyai mờ ồng Dacian Ciolos, kuang gơs gơnăp gơnoar atbồ hờ đang rơlao jơh lơgar Rumani gam còp lơgar Việt Nam.

Tàm dơ\ wă, ồng Nguyễn Phú Trọng neh tơl^k nùs nhơm sền kuơ mờ kơ\p kờ` tơnguh broă lơh g^t gơ\p, lơh bơyô bal ờs mờng mờ lơh broă bal uă bơta mờ lơgar Rumani, tàm hơ\ geh lơh broă bal tàm broă lơh sa, sền gàr dà lơgar mờ lơh broă bal tàm ală dơ\ pơrjum cri bơyai uă lơgar. Ồng Nguyễn Phú Trọng neh đơs niam dơ\ tus còp kuơ màng bơh ồng Dacian Ciolos dê, ai tơl^k bơta pràn chồl pràn broă lơh bal bơh 2 lơgar; ưn ngài Gơnoar atbồ lơgar bal mờ làng bol lơgar Rumani neh ai bơta [uơn ală làng bol lơgar Việt Nam gam kis, lơh broă mờ bơsram sră tàm lơgar Rumani, tơnguh niam gơnoar tơrbo\ bal geh cồng nha tus mờ broă lơh bal bơh 2 lơgar kung bè chồl pràn broă lơh bal uă bơta bơh lơgar Việt Nam đơs is mờ mpồl ASEAN đơs bal mờ mpồl tam klăc châu Âu tàm tơngai tus. Ồng Nguyễn Phú Trọng sồr lơgar Rumani bal mờ ală lơgar tàm mpồl tam klăc châu Âu pơn jăt tai kờ` bal mờ nùs nhơm di pal lơgar Việt Nam mờ mpồl ASEAN dê bè broă bơsong tam phà tàm dà lềng đah măt tơngai l^k mờ broă lơh lơngăp lơngai, lơh jăt adăt boh lam dunia.

                     Cau cih mờ yal tơng^t Ndong Brawl