VOV4.K’ho – Mho òr, 27/6, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar wă ồng Dương Khiết Trì kuang geh jơng gơnoar atbồ lơgar Lo còp mờ lơh broă tàm lơgar Việt Nam.

Ồng Nguyễn Phú Trọng đơs niam ală cồng nha niam ngan neh lơh geh tàm dơ\ pơrjum mờ sồr 2 gah pơnjat tai brồ guh niam rlau tai bơngă bơh kơrnuat lơh broă anih duh broă đơng lam tam klac 2 lơgar tàm broă mut lơh tơl làm, geh cồng nha git wă bal bơh kuang đơng lam bồ dờng màng 2 Đảng, 2 lơgar, pơ gồp bơnah chul chồl git gơp lơh bơ yô ờs mờng mờ tam klac lơh broă kuơ màng Việt Nam mờ Lo bơtàu tơnguh kơ\ kơljap, niam bơne\. Ồng Nguyễn Phú Trọng đơs tờm, Đảng, dà lơgar Việt Nam sùm sền dờng màng broă sền gàr git gơp lơgar rềp bal lơh bơ yô, tam klac geh kuơ bal mờ lơgar Lo. Ồng Nguyễn Phú Trọng sồr 2 lơgar lơh bal ngan, ngai sơ lơ pin dờn gùng dră bal, chul chồl mờ tơnguh jơnhua cồng nha tam klac ngan ngồn tàm ală gah, chồl pràn broă tìp mat làng bol, lơh niam broă mblàng yal, bơ song dipal ală bơta tàm dà lềng đah mattơngai lik di mờ kơrnuat boh lam dunia mờ DOC, mhar bơt bơtàu COC, ờ lơh kal ke ală bơta tàm tiah do, sền gàr ngap lơngai, kơ\ kơljap, lơh bơ yô mờ gùng dà broă lơh bơtàu tơnguh niam bơne\ bơh git gơp 2 lơgar dê.

                Cau cih mờ yal tơngit K’ Duẩn.