VOV4.K’ho - Dờp jơnau jà bơh ồng Nguyễn Phú Trọng, kuang atbồ đơng lam Đảng Cộng sản Việt Nam bal mờ ồng Trương Tấn Sang, kuang atbồ lơgar Cộng hoà Xã hội chủ nghĩa Việt Nam, ngai òr (05/11), ồng Tập Cận Bình, kuang atbồ đơng lam Đảng Cộng sản mờ là kuang atbồ lơgar Lo neh tus Hà Nội, còp mùl màl kơnă dà lơgar Việt Nam bơh ngai 05 tus 06/11.

Mho òr (05/11), di tàm tu\ 3 jơ 15 phút, mpồl rơndeh pơn diang ồng Tập Cận Bình, kuang atbồ đơng lam Đảng dà lơgar, mờ là kuang atbồ lơgar Lo neh tus tềng gơlang kuang atbồ lơgar, ồng Nguyễn Phú Trọng, kuang atbồ đơng lam Đảng dà lơgar neh wă ồng Tập Cận Bình. Do là dơ\ tus còp lơgar Việt Nam sơnrờp ngan bơh kuang bàng đơng lam dờng ngan Đảng mờ Dà lơgar Lo dê tàm 9 nam do; mờ kung là dơ\ tus còp sơnrờp ngan bơh kuang bàng đơng lam dờng ngan tàm mpồl đơng lam dà lơgar rài dơ\ 5 lơgar Lo dê tus lơgar Việt Nam. Dơ\ còp bơh ồng Tập Cận Bình tus lơgar Việt Nam pơn jăt tai tơl^k nùs nhơm g^t wă bal bơh 2 lơgar dê tàm broă tơnguh broă tam gơl mpồl kuang bàng dờng màng bơh 2 Đảng, 2 dà lơgar kờ` tơnguh broă g^t gơ\p, lơh bơyô bal, chồl pràn broă lơh bal, cri bơyai bal kờ` bơsong ală broă gam gơl^k geh. Mờ dơ\ tus còp do, lơgar Việt Nam đơs, geh lơh jăt sùm gùng dà lơh broă bal mờ lơgar ndai krơi is, lơh tòm, geh uă bơta, geh uă lơgar, sền kuơ mờ kơ\p kờ` tơnguh bơtàu broă lơh bal niam bơne\, mùl màl mờ lơgar Lo, tàm tơngu me g^t jơnau bal, ndrờm bal mờ geh kuơ bal.

        Cau cih mờ yal tơng^t Ndong Brawl