VOV4.K’ho – Drim òr, 16/5, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar neh wă mpồl kuang bàng dờng màng gơnoar atbồ lơgar Lào bơh ồng Thoong-lun Xi-xu-lit kuang gơs gơnap gơnoar atbồ hơđang rlau jơh dà lơgar Lào lam bồ gam còp ngan ngồn lơgar Việt Nam.

Ồng Thoong-lun Xi-xu-lit neh yal mờ ồng Nguyễn Phú Trọng bè cồng nha dơ\ cribơyai bal mờ ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar he mờ ală dơ\ tìp mat mờ kuang đơng lam bồ dờng màng lơgar Việt Nam; đơs tờm gơnoar atbồ lơgar Lào geh pơgồp bal krà` cê mờ gơnoar atbồ lơgar Việt Nam mut lơh geh cồng nha ală tơngume bơh jơnau yal bơr bal Việt Nam mờ Lào tàm nhai 4 nam 2016 mờ ală jơnau ringbal, jơnau pơrgon tam klac đah 2 Đảng, 2 gơnoar atbồ lơgar. Ồng Nguyễn Phú Trọng mờ ồng Thoong-lun Xi-xu-lit pơnjat tai đơs tờm bơta git gơp lơh bơyô ờs mờng, tam klac kuơ màng mờ tơl làm đah Việt Nam mờ Lào, Lào mờ Việt Nam là jơtài bal kuơ màng ngan bơh 2 Đảng, 2 jơi bơtiàn, là kơrnuat kis jo\ mờ bơtàu tơnguh, là git gơp kis jo\ mơlà bơta pràn kuơ màng ngan tus mờ broă lơh sền gàr mờ bơtàu tơnguh tàm tơl lơgar, pơgồp bơnah uă ngan tus ngap lơngai, kơ\ kơljap, tam klac, bơtàu tơnguh tàm kơnhoàl mờ tàm dunia, pal sền gàr, bơtàu tơnguh, brồ guh mờ mblàng tai ală rơnàng tơnơ\ do in.

                     Cau cih mờ yal tơngit K’ Duẩn.