VOV4.K’ho- Mang ngai 08/02, ồng Nguyễn Phú Trọng Tổng Bí thư, Chủ tịch lơgar neh geh dơ\ cribơyai tàm điện thoại mờ ồng Tập Cận Bình Tổng Bí thư, Chủ tịch lơgar Lo. Tàm dơ\ cribơyai tàm điện thoại, ồng Nguyễn Phú Trọng đơs sùm, sơrlèt gan 71 nam kờp bơh tu\ 2 lơgar geh bơta gi\t gơ\p lơh broă bal tus tu\ do, bulah geh ală tu\ ờ niam, mơya tàm bơta geh ngan kah yau pà go\, bơta gi\t gơ\p lơh bơyô bal mờ lơh broă bal sùm là broă lơh tờm tàm bơta gi\t gơ\p đah 2 Đảng, 2 Dà lơgar dê; mơkung đơs là tàm tơngai pa do, 2 gah neh lơh ală broă lơh cribơyai bơh uă broă lơh ngac ngar, lơh geh cồng nha niam, pơgồp bơnah tơnguh bơta gi\t gơ\p tam klăc lơh broă bal jo\ jòng tơl làm đah Việt Nam mờ Lo pơn jăt tai bơtàu tơnguh niam, kơ\ kơl jăp, dipal mờ bơta kơ\p kờ` mờ bơta kuơ bơh làng bol 2 lơgar dê; sồr 2 gah pơn jăt tai sơlơ lơh broă bal, sơrlèt gan jơh ală kal ke, bơta lòng, ai bơta gi\t gơ\p lơh bơyô bal ờs mờng bơh yau đah 2 Đảng, 2 Dà lơgar mờ làng bol 2 lơgar lơh geh ală cồng nha dờng rlau tai tàm tơngai pa, tài bơta kuơ bơh làng bol 2 lơgar dê, tài ring lơngai, lơh broă bal mờ bơtàu tơnguh tàm tiah do mờ tàm dunia.

Ồng Nguyễn Phú Trọng Tổng Bí thư, Chủ tịch lơgar cribơyai tàm điện thoại mờ ồng Tập Cận Bình Tổng Bí thư, Chủ tịch lơgar Lo

Di tàm dơ\ sa tềp bơhiàn dà lơgar nam Tân Sửu 2021, ồng Nguyễn Phú Trọng Tổng Bí thư, Chủ tịch lơgar neh pơyua jơnau nting bơr gờm chờ sơnam pa tus mờ jơh ală đảng viên Đảng Cộng sản lơgar Lo mờ làng bol lơgar Lo.

Cau mblàng Lơ Mu K’Yến