VOV4.K’ho- Ngai 02/02, ồng Thongloun Sisoulith Tổng Bí thư, Thủ tướng Lào geh dơ\ cribơyai mờ ồng Nguyễn Phú Trọng Tổng Bí thư, Chủ tịch lơgar Việt Nam. Tàm dơ\ cribơyai tàm điện thoại, ồng Thongloun Sisoulith Tổng Bí thư, Thủ tướng lơgar Lào jơh nùs ngan gờm chờ Đảng Cộng sản Việt Nam neh bơyai lơh geh cồng nha ngan Pơr jum dờng cau ala mat gùt lơgar dơ\ 13 bơh Đảng dê; gờm chờ ồng Nguyễn Phú Trọng geh Đảng Dà lơgar pin dờn pồ lơh wơl Tổng Bí thư.

Ồng Nguyễn Phú Trọng Tổng Bí thư, Chủ tịch lơgar cribơyai tàm điện thoại mờ Tổng Bí thư, Thủ tướng Lào

Tàm dơ\ cribơyai, 2 Kuang đơng lam bồ đơs ngan, nam 2021 là nam sơn rờp geh lơh jat Nghị quyết Pơrjum dờng gùt lơgar bơh tơl Đảng dê, 2 gah pal lơh ngan jơh nùs jơh tồr, lơh bal sơr lèt gan ală bơta kal ke mờ bơta lòng, lam lơh jat niam Nghị quyết Pơrjum dờng bơh tơl Đảng dê mờ pơgồp bal niam lam lơh jat geh cồng nha, ngan ngồn rlau tai ală Jơnau ring bal đah Kuang đơng lam bồ kấp dờng màng 2 Đảng, 2 lơgar dê; đơs nền, tàm khat dùl bơta lơi, 2 lơgar kung lơh jơh nùs jơh tồr bal sền gàr, sơlơ bơtàu tơnguh bơta g^t gơ\p tam klăc bal kuơ màng Việt Nam mờ Lào ngai sơlơ bơtàu tơnguh, sùm sùm tơrlir niam, sùm sùm kơ\ kơl jap mờ lời wơl ai ală rơnàng tơ nơ\ do in.

Cau mblàng K’ Hạnh