VOV4.K’ho- Drim ngai 18/02, tàm hìu lơh broă Đảng dà lơgar, ồng Nguyễn Phú Trọng Tổng Bí thư, Chủ tịch lơgar neh đơng lam pơrjum dơ\ sơn rờp bơh Bộ Chính trị, Ban Bí thư khóa 13 nàng kờ` sền sơ wì bè bơta sền gròi, bơyai lơh sa tềp bơhìan dà lơgar Tân Sửu 2021 mờ 2, 3 kơ nòl broă tờm tàm quý 1 nam 2021 dê. Nam do là nam kuơ màng, làng bol wă rò sa tềp bơhìan dà lơgar tàm tơngai kòp Covid-19 pơn jat tai gơlik geh kal ke. Nàng kờ` gàr niam broă sền gròi ai làng bol in wă rò sa tềp ờ do ờ dă, Ban Bí thư neh geh Chỉ thị sồ 48 bè bơyai lơh sa tềp Tân Sửu mờ 2, 3 kơ nòl broă tờm quý 1 nam 2021 dê. Pơrjum kung ai jơnau đơs bè gùng dà broă lơh blơi mờ ngui sơ nơm vaccine kơryan kòp Covid-19 tàm lơgar he dê.

Bè kơ nòl broă tờm quý 1 nam 2021, ồng Nguyễn Phú Trọng, Tổng Bí thư, Chủ tịch lơgar đơs là, kờ` pal at tê mut lơh broă tơn, ba` sa tềp ua\ ir, ală kấp ủy, gơ noar atbồ, ală gah sơnah lơh broă, mpồl lơh broă kờ` pal tơrgùm đơng lam, sồr lơh jat, hòi jà tơl bơta, rơndeh rơn dồ ma\y mok, tơl gùng dà broă lơh nàng kơryan kòp dờng Covid-19, ba` lời gơ rềng tus rài kis làng bol dê mờ bơtàu tơnguh lơh sa, sền do là kơ nòl broă tờm, loh làng ngan, jal mhar mờ kung jo\ jòng jat di mờ nùs nhơm đơng lam bơh Bộ Chính trị, Ban Bí thư, bơh Chính phủ, Thủ tướng Chính phủ dê.

Cau mblàng K’ Hạnh