VOV4.K’ho- Drim ngai 18/03, tàm Hà Nội, Thường trực Mpồl đơng lam dà lơgar bè rcang sơn dră sa kuề sa kuà neh bơyai lơh pơrjum bơh bơta đơng lam bơh ồng Nguyễn Phú Trọng, Tổng Bí thư, Chủ tịch lơgar, Kuang atbồ Mpồl đơng lam nàng cribơyai, ai jơnau đơs sồr lơh glài gơ wèt mờ bàr pe broă lơh tìs, broă gơ wèt Mpồl đơng lam jat sền, đơng lam bơh tơnơ̆ Pơrjum dơ̆ 19 tus tŭ do.

Bè kơnòl broă tàm tơngai tus, Tổng Bí thư, Chủ tịch lơgar ring bal mờ ală jơnau đơs bơh Kuang bàng Thường trực Mpồl đơng lam, sồr ală kấp ủy, mpồl đảng pơn jat tai lơh pràn broă lơh tam dră rcang sơn dră sa kuề, sa kuà mờ nùs nhơm chính trị uă rlau, lơh broă pràn kơl dang, kràñ cê, geh cồng nha rlau; pal kràñ cê, jơh nùs mờ lơh sùm. Tổng Bí thư, Chủ tịch lơgar sồr mpồl lơh broă sùm dờp ală jơnau đơs bơh kuang bàng Thường trực Mpồl đơng lam bơtơl, lơh sir jơnau yal; bơta pin dờn mờ ală cồng nha lơh geh geh lơh gơlik tai nùs nhơm pa, bơta pin dờn pa mờ lơh ngan rlau uă tai tàm gùt đảng, gùt làng bol pơn jat tai lơh niam ngan rlau tai broă lơh rcang sơn dră sa kuề, sa kùa tàm tơngai tus.

Cau mblàng K’ Hạnh