VOV4.K’ho- Drim ngai (30/11)  tàm hìu lơh broă Bộ Quốc phòng, Quân ủy dà lơgar bơyai lơh Pơrjum ring bal ală jơnau yal tơn jơh broă lơh ling klàng, sền gàr dà lơgar nam 2020; ai Nghị quyết đơng lam kơnòl broă ling klàng, sền gàr dà lơgar mờ bơt bơtàu Đảng bộ ling klàng nam 2021. Ồng Nguyễn Phú Trọng, Tổng Bí thư, Chủ tịch lơgar, Bí Thư Quân ủy dà lơgar đơng lam pơrjum.

Gùt jơh tàm anih pơrjum

Tàm dơ\ pơrjum, Quân ủy dà lơgar ring bal ua\ mờ ală mpồl kơnòl broă, gùng dà broă lơh tàm jơnau yal bơh Bộ Quốc phòng dê; mơ kung sồr kấp ủy, mpồl Đảng ală kấp, anih lơh broă, mpồl lơh broă tơr gùm đơng lam, sồr lam lơh jat niam kơnòl broă cribơyai mờ Đảng, Dà lơgar bè broă lơh ling klàng, sền gàr dà lơgar. Pơn jat tai lơh jat geh cồng nha ală broă lơh jo\ jòng, Nghị quyết, jơnau đơs pơn du\t, adat neh ai ngui; lam lơh jat niam Adat sền gàr dà lơgar Việt Nam, Nghị quyết bơh Quốc hội dê bè tus bal tàm mpồl ling sền gàr ring lơngai Liên hợp quốc dê. Pơn jat tai pơgồp bal niam mờ ală ban, Bộ,  gah, sơnah lơh broă dà lơgar mờ ală tiah đơng lam, sồr lơh jat broă lơh sền gàr dà lơgar, ngui niam bơta pràn tơr gùm bal hòi jà, ngui geh cồng nha pria\ jền  bơt bơtàu rài sền gàr dà lơgar gùt làng bol kơ\ kơl jap.

Cau mblàng K’ Hạnh