VOV4.K’ho – Di 10 jiơ drim ngai òr 03/09, hơ\ là 9 jiơ mang dùl ngai bal jat jiơ lơgar Việt Nam dê, rơndeh par is pơndiang ồng Nguyễn Sinh Hùng kuang atbồ Gơnoar ala mat dà lơgar mờ mpồl kuang bàng ala mat dờng màng Gơnoar ala mat dà lơgar he neh mù tàm [làng rơndeh par Logan International, [òn dờng Boston, càr Massachusetts, lơgar Mỹ, sơnđờm dơ\ lòt còp ngan ngồn lơgar Mỹ. Boston là [òn dờng dờng ngan rlau jơh tàm New England, pơnrơ mờ ală anih bơto bơtê dờng jak chài, lơh broă kơlôi sơnơng, sền gròi pràn kơldang să ja`, lơh broă priă jền, măy mok, uă ngan là măy mok sinh học. Àng drim gờn ngai do jat jiơ Việt Nam dê (04/09), ồng Nguyễn Sinh Hùng neh tìp mờ Kuang atbồ Gơnoar ala mat dà lơgar mờ kuang atbồ gơnoar ala mat kơnă [òn lơgar càr Massachusetts mờ còp hìu bơsram dờng tiơng pơnrơ ngan Harvard. Jơnau tờm bơh ală dơ\ tìp mat dê là cribơyai, sồr tam klac lơh broă bal đah càr Massachusetts mờ ală càr, [òn dờng lơgar Việt Nam dê, kuơmàng là tàm broă lơh sa, priă jền, mờ bơto bơtê.

Cau mblàng Lơ Mu K’ Yến