VOV4.K’ho – Mho òr 27/03, ồng Nguyễn Sinh Hùng kuang atbồ Gơnoar ala mat dà lơgar neh lòt còp mờ lơh broă tàm Tiah Lơh bal rơndeh dờng Chu Lai- Trường Hải. Boh bơr mờ Kuang đơng lam Mpồl lơh sa kă bro Rơndeh dờng Trường Hải dê, ồng Nguyễn Sinh Hùng sồr kuang đơng lam mpồl lơh sa kă bro sền gròi uă rlau tai tus rài kis cau lơh broă dê, sền ngac tus broă lơh Đảng, Mpồl cau, sền gàr tiah ơm kis. Ồng Nguyễn Sinh Hùng đơs là: Mpồl lơh sa kă bro Rơndeh dờng Trường Hải gam tơrgùm lơh uă ir tàm broă crăp mờ tê mờ ờ hềt lơh geh is động cơ, den tàng bè hơ\, kuang đơng lam mpồl lơh sa kă bro kờn pal sền dờng màng bơtàu tơnguh jak chài măy mok, mờ ală gah lơh sa mờ măy mok dong kờl ala, tơnguh khà lơh is tàm lơgar, pơgồp bơnah bơtàu tơnguh broă lơh sa mờ măy mok rơndeh dờng Việt Nam.

Cau cih mờ yal tơngi\t- Lơ Mu K’ Yến