VOV4.K’ho - Mang ngai 01/9, hơ\ là àng drim gờ` ngai 02/9, jăt jơ lơgar Việt Nam, tàm hìu lơh broă anih duh broă dunia, [òn dờng New York, lơgar Mỹ, ồng Nguyễn Sinh Hùng, kuang atbồ Gơnoar ala măt dà lơgar neh đơng lam dơ\ wă sa dunia di dơ\ tơngkah 70 nam ngai Kăc màng nhai 8 mờ sơntòm dà lơgar ngai 02/9. Do là dơ\ sơnrờp mpồl kuang bàng duh broă sùm lơgar Việt Nam tàm anih duh broă dunia bơyai lơh wă năc chờ gờm ngai sơntòm dà lơgar tàm hìu lơh broă anih duh broă dunia, mờ broă tus bal bơh gal kuang bàng lơh broă gah cri bơyai broă lơh bal mờ lơgar ndai, ală bơyô tàm dunia, ală anih lơh broă cri bơyai broă lơh bal mờ lơgar ndai; ală bơyô lơgar Mỹ mờ gal cau lơgar Việt Nam kis mờ lơh broă tàm [òn dờng New York. Đơs tàm dơ\ tơnkah, ồng Nguyễn Sinh Hùng neh đơs tòm, nam 2015 là nam kuơ màng ngan tus mờ anih duh broă dunia bal mờ lơgar Việt Nam dê, tu\ geh bơyai lơh tơnkah 70 nam crơng gơs. Ngai 02/9/1945, Bác Hồ, kuang bàng đơng lam jăk chài kờ` gơboh ngan làng bol lơgar Việt Nam neh yal jơnau geh lơngăp lơngai is, sơntòm dà lơgar Việt Nam Dân chủ Cộng hoà. Do là bơnàng jă kuơ màng rài dà lơgar Việt Nam dê. Làng bol lơgar Việt Nam sùm kah mờ ưn ngài broă kờ` bal, broă dong kờl dờng màng bơh ală bơyô bơh 5 châu dê, bơh anih duh broă dunia dê, bơh mpồl tam klăc Gơnoar ala măt dunia dê tàm broă tam dră tơnklàs jơi bơtiàn, dà lơgar lơgar tơrgùm bal kung bè broă bơ\t bơtàu, sền gàr mờ tơnguh bơtàu dà lơgar Việt Nam.

Cau mblàng Ndong Brawl