VOV4.K’ho - Mờ rơlao 90% khà kuang bàng tàm gơnoar ala măt dà lơgar ring bal, ồng Nguyễn Sinh Hùng, kuang atbồ Gơnoar ala măt dà lơgar kơnă 13 neh geh pồ lơh kuang atbồ mpồl duh broă te\ khà dà lơgar. Kung tàm ngai òr, gơnoar ala măt dà lơgar neh pờ tê ring bal bè ngai te\ khà, broă lơh mpồl duh broă te\ khà dà lơgar kờ` rơcang te\ khà kuang bàng tàm gơnoar ala măt dà lơgar kơnă 14 mờ kuang bàng tàm mpồl duh broă ala măt làng bol ală kơnă tơngai lơh broă bơh nam 2016 tus 2021. Jăt mờ hơ\, ngai te\ khà geh lơh là ngai rơlô, 22/5/2016. Mpồl duh broă te\ khà dà lơgar geh 21 nă kuang bàng, tàm hơ\ geh ala măt ală anih lơh broă, mpồl lơh broă tàm gah gùng dră bal dà lơgar. Gơnoar ala măt dà lơgar kung neh ring bal kơrnoăt pơrjum gơnoar ala măt dà lơgar tam gơl mờ kơrnoăt tơl^k kơrnoăt pơrjum tam gơl. Tơngu me pơrjum gơnoar ala măt dà lơgar geh ngui bơh ngai 01/1/2016. Ngai do, gơnoar ala măt dà lơgar pơn jăt tai cri bơyai broă khà măt kuang bàng jăt jơng atbồ mờ ală kuang geh jơng tàm mpồl duh broă te\ khà dà lơgar di gơlan khà măt kuang bàng dong broă gơnoar ala măt dà lơgar; crơng gơs mpồl duh broă te\ khà dà lơgar; cri bơyai, pờ tê ring bal kơrnoăt te\ khà kuang bàng dong broă gơnoar ala măt dà lơgar mờ pờ tê ring bal ờ uă rơndăp broă adăt.

        Cau cih mờ yal tơng^t Ndong Brawl