VOV4.K’ho - Tàm  broa\ lơh tus còp lơgar Lo,  mho òr (25/12),  ồng Nguyễn Sinh Hùng kuang atbồ gơnoar ala mat dà lơgar wa\  ồng Từ Thủ Thịnh kuang atbồ đơng lam Đảng càr Hồ Nam, lơgar Lo.

            Geh đơs bơta chờ hờp geh tus còp  Hồ Nam, [òn tờm bơh ồng Mao Trạch Đông, kuang atbồ dờng màng bơh làng bol lơgar Lo lài do.  Ồng Nguyễn Sinh Hùng sồr càr Nghệ An mờ càr Hồ Nam đơs is mờ ala\ càr, [òn dờng bơh Việt Nam mờ càr Hồ Nam đơs bal pơnjat tai tơngguh rlau tai git gơp lơh broa\ bal, lơh dờng màng rlau tai git gơp lơh broa\ bal kuơ màng tơl làm Việt Nam-Lo. Ồng Nguyễn Sinh Hùng đơs tờm, Việt Nam sền kuơ màng ngan git gơp lơh broa\ bal kuơ màng tơl làm Việt Nam lơgar Lo bơtàu tơngguh niam, kơljap, kung bè tơngguh git gơp, tam klac geh cồng nha, mùl màl bơh ala\ càr, [òn  dờng 2 lơgar. Đảng, Dà lơgar mờ Gơnoar ala mat dà lơgar Việt Nam geh dong tơl bơta buơn boài nàng ala\ mpồl lơh sa ka\ bro dờng bơh ala\ càr, [òn dờng lơgar Lo, tàm hơ\ geh mpồl lơh sa ka\ bro càr Hồ Nam bơcri, ka\ bro tàm Việt Nam.

                     Cau cih mờ yal tơnggit K’ Brọp