VOV4.K’ho – Drim òr 09/11, tàm Hìu lơh broă Gơnoar ala mat dà lơgar dê, ồng Nguyễn Sinh Hùng kuang atbồ Gơnoar ala mat dà lơgar geh dơ\ tìp mat cribơyai broă mờ ồng Kover Laszlo Kuang atbồ Gơnoar ala mat dà lơgar Hungary. Ồng Nguyễn Sinh Hùng sồr, bàr gah kờn pal chul chồl tam klac bal gơnoar ala mat kơnă dà lơgar, kung bè tam klac bal tàm ală broă: chài rơgơi, bơto bơtê, lơh sa. Việt Nam tu\ lơi kung kờn lơh gơnoar broă là lơgar tàm tơrbo\ bal chul chồl bơta gi\t gơ\p cribơyai broă mờ tam klac bal đah Hungary mờ tiah Asean nhăp nhar ngac ngar, mơkung kơ\p kờn Hungary là lơgar tàm tơrbo\ bal đah Việt Nam mờ Mpồl tam klac châu Âu. Ồng Nguyễn Sinh Hùng pin dờn, bơta gi\t gơ\p tam klac bal tơl mờ ală bơta đah 2 lơgar, 2 gơnoar ala mat dà lơgar mờ làng bol bàr lơgar geh ngai sơlơ bơtàu tơnguh pràn kơldang tài bơta kuơ bơh làng bol tơl jơi bơtiàn dê.

Cau cih mờ yal tơngi\t- Lơ Mu K’ Yến