VOV4.K’ho – Dờp jơnau jà bơh ồng Nguyễn Sinh Hùng kuang atbồ Gơnoar ala mat dà lơgar, ồng Abdullah Al Sheikh kuang atbồ Gơnoar ala mat dà lơgar Arabia mờ Mpồl kuang bàng dờng màng lơgar Saudi Arabia gam geh dơ\ tus còp ngan ngồn lơgar Việt Nam. Mho òr 01/02, tàm hìu lơh broă Gơnoar ala mat dà lơgar, tơnơ\ mờ dơ\ wă rò ngan ngồn, ồng Nguyễn Sinh Hùng mờ ồng Abdullah Al Sheikh neh geh dơ\ cribơyai chul chồl git gơp tam klac bal đah Gơnoar ala mat dà lơgar 2 lơgar.

Ồng Nguyễn Sinh Hùng sồr, mờ bơta pràn bè priă jền, lơgar Saudi Arabia sơlơ tơnguh bơta ai lài mờ dong kờl ală mpồl lơh sa kă bro, cau bơcri priă tàm lơgar Việt Nam; 2 gah mhar ki\ ală jơnau ringbal tam klac lơh sa, bơcri priă pơgồp bơnah lơh gơs bơnàng jă kơrnuat boh lam nàng mpồl lơh sa kă bro 2 lơgar in tam klac. 2 gah sơlơ cribơyai mpồl kuang bàng dờng màng, mpồl lơh broă ală gah, sơnah lơh broă dà lơgar, kung bè mut lơh ală dơ\ cribơyai bơcri priă nàng pơgồp bơnah sơlơ chul chồl tam klac lơh sa, kă bro mờ tìp mat làng bol.

                                                 Cau cih mờ yal tơngit K’ Duẩn.