VOV4.K’ho – Drim òr 01/02, Anih duh broă sùm Gơnoar ala mat dà lơgar bơyai lơh dơ\ tìp mat đah kuang đơng lam Gơnoar ala mat dà lơgar mờ ală kuang bàng lài do là Kuang bàng Gơnoar ala mat dà lơgar sùm lơh kơnòl broă bơh ală tu\ tơngai. Đơs tus broă lơh bơh Gơnoar ala mat dà lơgar dê, ồng Nguyễn Sinh Hùng kuang atbồ Gơnoar ala mat dà lơgar đơs loh, Gơnoar ala mat dà lơgar kơnă XII neh mờ gam pơn jat tai tàm pơn jat ală cồng nha lơh geh dờng ngan bơh ală kuang bàng đơng lam, ală kuang bàng Gơnoar ala mat dà lơgar ală kơnă lài nàng sùm tam gơl pa jơh bal bè đơng lam, mpồl kuang bàng, bal mờ gùng dà lơh broă kờn tơnguh jơnhoa uă rlau tai cồng nha lơh broă bơh anih lơh broă geh gơnoar dà lơgar jơnhoa ngan rlau jơh. Ồng Nguyễn Sinh Hùng tơlik nùs nhơm kơ\p kờn, tơngai tus, ală kuang bàng Gơnoar ala mat dà lơgar dờng sơnam pơn jat tai sền gròi, tă pơgồp bơta pràn, bồ tơngoh jak, mờng chài bơh he dê, bal mờ mpồl kuang đơng lam Gơnoar ala mat dà lơgar lơh ngan tơnguh jơnhoa rlau tai cồng nha lơh broă bơh Gơnoar ala mat dà lơgar dê nàng gàr kơ\ bơta pin dờn mờ lơh geh jơnau kơ\p kờn sùm bơh cau te\ khà gùt lơgar dê.

Cau cih mờ yal tơngi\t- Lơ Mu K’ Yến